ကိုယ့်မော်ဒယ်လ် မအောက်ဖို့...

ရိုးရိုးလေး မနက်ဖြန် ၂၀၀၈ခု ချစ်သူများနေ့ဖြစ်သဖြင့် သူငယ်ချင်းအချို့ထံ E-cardများ ပို့ပြီး
ဝက်ဘ်ဆိုက်များကို လျှောက်ကြည့်ရင် မျက်စိလည်ကာ တရားတော် ၀က်ဘ်ဆိုက် တစ်ခုသို့ ရောက်သွားခဲ့ပါသည်။
မျက်စိလည်ရောက်သွားတဲ့ဆိုက်လို့ ကျွန်တော် ပြောရတာက-ဒီလိုပါ- ကျွန်တော်တို့လို လူငယ်တွေက တရားနဲ့ပတ်သက်တဲ့ဝက်ဘ်ဆိုက်ဆို တမင်တကာ လည်ပတ်တဲ့သူ တော်တော်ရှားမယ်ထင်လို့ပါ။ မျက်စိလည်ရောက်မှပဲ ၀င်ကြည့်တတ်ကြလို့ပါ။ ၀င်ရောက်သွားပြန်တော့လည်း ကိုယ်နဲ့မဆိုင်သလို ဖြစ်တတ်ကြတာများပါတယ်။ ငယ်ရွယ်တဲ့အချိန်မှာ တရားနဲ့ မဆိုင်သေးဘူးဆိုတဲ့ မြန်မာတွေရဲ့ အယူအဆတစ်ခုကလည်း ရှိနေလို့လဲဖြစ်မှာပါ။ ရိုးရိုးလေးလည်း တရားကို သိသူတော့ မဟုတ်ပါဘူး။ မေမေ့ကျေးဇူးမေတ္တာကြောင့် တရားစာပေကိုတော့ ရင်းနှီးခဲ့တာ ကြာပါပြီ။ ကိုယ်စွမ်းနိုင်သရွေ့လည်း တရားစာပေများကို လေ့လာဖြစ်ခဲ့ပါတယ်။
ကျွန်တော်ရောက်သွားခဲ့တဲ့ ဆိုက်က ITထွန်းကားတဲ့ခေတ်မှာ ITမှ ရှောင်ထွက်ပြီး ITထက်သာတဲ့ BEYOUND IT ကို ဦးတည်လျှောက်လှမ်းနေတဲ့ ဆရာတော် ဦးဆန္ဒာဓိကရဲ့ အနှိုင်းမဲ့ စာကြည့်တိုက်လို့ ပြောရမည့် “ရွှေပါရမီဝက်ဘ်ဆိုက်”ပါ။ ရိုးရိုးတို့လို (IT မဟုတ် EYEကျွမ်း)လူငယ်တို့အတွက် အတုယူစရာ အဖြစ် စံနမူနာတွေ ထားသိုရာပါ။
ကျွန်တော် ဒီရွှေပါရမီဆိုက်ထဲမှာ ဆရာတော်ရဲ့ စာအုပ်အချို့ကို ဒေါင်းလော့လုပ်/ဖတ်လည်း ဖတ်ရှုရင်း ၁နာရီကျော်လောက် ကြာသွားခဲ့ပါသည်။ သူငယ်ချင်းတွေကို SHAREလုပ်လိုတဲ့အတွက် ကျွန်တော်ဖတ်လိုက်တဲ့ ဆရာတော်ရဲ့ “မော်ဒယ်အသစ်နဲ့လူ”ဆိုတဲ့စာအုပ်ထဲမှ ထုတ်နှုတ် ဖော်ပြလိုက်ပါတယ်။
ဆရာတော် ပြောထားသည်က- ကျောင်းသားလူငယ်တွေ အပါအ၀င် လူတိုင်းလူတိုင်းကို နေ့စဉ် တရားအလုပ် လုပ်စေချင်တဲ့စိတ် ထက်သန်ဘို့ ဆိုပြီး -လူငယ်တွေ နေ့စဉ် ၀တ်စားဆင်ရင် အသုံးပြုနေတာကို ကြည့်ပြီး-ပြောလိုက်သည်က ““တရားအားထုတ်တယ်ဆိုတာ ကိုယ့်စိတ်ကိုယ် မော်ဒယ်လ်အသစ်လဲတာပါတဲ့””။
လူတွေက နေ့စဉ်အသုံးအဆောင်ပစ္စည်းတွေ သစ်လွင်စေဘို့ မော်ဒယ်လ် အဟောင်းကို ဖြုတ်ပြီး၊ဖယ်ပြီး အသစ်တတ်သလို ကျွန်တော်တို့ရဲ့စိတ်ကိုလည်း ပစ္စည်းမော်ဒယ်နဲ့နှိုင်းယှဉ်ပြလိုက်သည်က-မနေ့ကလည်း ကိုယ့်စိတ်က ဒီမော်ဒယ်လ်၊ ဒီနေ့လည်း ကိုယ့်စိတ်က ဒီမော်ဒယ်လ်ဆိုရင် ကိုယ့်စိတ်ဟာ မော်ဒယ်လ်အဟောင်းကြီး ဖြစ်နေပါတယ်။ မနေ့က စိတ်နဲ့ ဒီနေ့စိတ် အရည်အသွေး တူနေရင် စိတ်မော်ဒယ်လ် ဟောင်းနေတာပါပဲ။ မနေ့က စိတ်ထက် ဒီနေ့စိတ်က အရည်အသွေး ပိုကောင်းရင်တော့ ကိုယ့်စိတ်ဟာ ဒီနေ့ အတွက်တော့ မော်ဒယ်လ်အသစ်ဖြစ်သွားပါပြီ။ နောက် ဆရာတော် ဆက်ပြောထားသည်က-
မနက်ဖြန်စိတ်က ဒီနေ့စိတ်ထက် အရည်အသွေး ပိုကောင်းသွားရင် မနက်ဖြန်မှာ ကိုယ့်စိတ် မော်ဒယ်လ်ပိုမြင့်သွားတာပေါ့။ နေ့တိုင်းနေ့တိုင်း ကိုယ့်စိတ်ကို မော်ဒယ်လ်သစ်သထက် သစ်၊ မြင့်သထက် မြင့်အောင် ကြိုးစားသွားရမှာပါပဲ။ အရေးကြီးဆုံးကတော့ “ဒီနေ့”ပါ။ လောလောဆယ် ကိုယ်နေနေရတာ ဒီနေ့ဖြစ်လို့ ဒီနေ့ ကိုယ့်ရဲ့စိတ် မော်ဒယ်လ် သစ်နေဖို့၊ မော်ဒယ်လ် မြင့်နေဖို့ အဓိကပါတဲ့။
အဲဒီတော့ စက္ကန့်တိုင်း ကျွန်တော်တို့ NEW MODElဖြစ်ဖို့ ဘာဖြုတ်ပြီး၊ ဘာအစားထိုးကြမလဲ?
စိတ်ဝင်စားလို့ အသေးစိပ်ဖတ်ရှုချင်တယ်ဆိုရင်တော့ ရိုးရိုးလေးရဲ့ “ဘလော့ဂ် လင့်ခ်”ကနေတဆင့် “ဘ၀နေနည်း စာကြည့်တိုက်”ကို သွားရောက်ဖတ်ရှုနိုင်ပါတယ်။
ဒီစာအုပ်ကို ဖတ်ရှုရသဖြင့် ရိုးရိုးလေး ခံစားလိုက်ရသည်ကတော့-ဆရာတော်ကို အရင်ကတည်းက ကြည်ညိုလည်း ကြည်ညိုခဲ့၊ နောက်-ဆရာတော်လို ဘ၀မျိုးကိုလည်း ဖြစ်နိုင်ရင် ဖြစ်ဖို့ ရိုးရိုးလေးရဲ့ “အိပ်မက် ကမ္ဘာလေးထဲ”ကနေ မြှော်မှန်းထားသူ ဖြစ်သဖြင့် မျက်စိလည်ရကျိုး နပ်သွားခဲ့ပါသည်….